തിരുവനന്തപുരം ആസ്ഥാനമായി പ്രവർത്തിക്കുന്ന ഒരു സ്വതന്ത്ര പ്രസാധന-സാംസ്കാരിക സ്ഥാപനമാണ് Real Magazine Productions. സാഹിത്യം, കല, സംഗീതം, സംസ്കാരം, സാമൂഹിക ചിന്ത എന്നിവയെ അന്താരാഷ്ട്ര തലത്തിൽ പ്രോത്സാഹിപ്പിക്കുകയെന്ന ലക്ഷ്യത്തോടെ ഈ സ്ഥാപനം പ്രവർത്തിക്കുന്നു. പ്രിന്റ്, ഡിജിറ്റൽ പ്രസാധനം, സാഹിത്യ സംവാദങ്ങൾ, അന്താരാഷ്ട്ര സാഹിത്യ സഹകരണങ്ങൾ, പുസ്തക പ്രസാധനം തുടങ്ങിയ മേഖലകളിൽ സ്ഥാപനം സജീവമാണ്.

“Litterateur Redefining World” 2020 ഓഗസ്റ്റിൽ ആരംഭിച്ച ഒരു അന്താരാഷ്ട്ര സാഹിത്യ മാസികയാണ്. 2020 ൽ അന്തരിച്ച കെ. എം. അന്ത്രുവിന്റെ സ്വപ്നത്തിൽ നിന്നും ജനിച്ച ഈ സംരംഭം ഇന്ന് ലോകത്തിന്റെ വിവിധ രാജ്യങ്ങളിൽ നിന്നുള്ള എഴുത്തുകാരെയും കലാകാരന്മാരെയും ഒരേ വേദിയിൽ എത്തിക്കുന്ന ഒരു സാഹിത്യ പ്രസ്ഥാനമായി മാറിയിരിക്കുന്നു.

“Literature is not mere lettering” എന്ന ആശയത്തോടെ സാഹിത്യത്തെ മനുഷ്യരാശിയുമായി ബന്ധിപ്പിക്കുന്ന ഈ മാസിക കവിത, കഥ, ലേഖനം, കല, സാംസ്കാരിക സംവാദം, തത്ത്വചിന്ത തുടങ്ങിയ മേഖലകളിൽ നിന്ന് സൃഷ്ഠികൾ പ്രസിദ്ധീകരിച്ചു ലോകശ്രദ്ധ ഇതിനകംനേടി കഴിഞ്ഞു.

കേരളത്തിൽ നിന്നുള്ള എഴുത്തുകാരനും, എഡിറ്ററും, സാംസ്കാരിക പ്രവർത്തകനും , സാഹിത്യ ചിന്തകനും ആയ ഷാജിൽ അന്ത്രുവാണ്‌ “Litterateur Redefining World”ന്റെ ചീഫ് എഡിറ്റർ. അദ്ദേഹം ലോകത്തിന്റെ വിവിധ ഭാഗങ്ങളിൽ നിന്നുള്ള എഴുത്തുകാരെയും കലാകാരന്മാരെയും ബന്ധിപ്പിക്കുന്ന സാഹിത്യ സംവാദങ്ങൾക്ക് നേതൃത്വം നൽകുന്നു.
മലയാളത്തിലും ഇംഗ്ലീഷിലും സജീവമായ അദ്ദേഹം “Zeroism” എന്ന സാഹിത്യ-തത്ത്വചിന്താപരമായ ആശയത്തിന്റെയും “Fish Bone Poetry” എന്ന പുതിയ കവിതാ രൂപത്തിന്റെയും അവതാരകനാണ്. ഏറ്റവും ചെറിയകഥ രചിച്ചതിന് ഇന്ത്യ ബുക്ക് ഓഫ് റെക്കോർഡ്സിന്റെയും ഏഷ്യ ബുക്ക് ഓഫ് റെക്കോർഡ്സിന്റെയും അംഗീകാരവും അദ്ദേഹം നേടിയിട്ടുണ്ട്.