మనిషిని చదవడం కంటే పెద్ద విద్య ఏముంది బాసూ?లోకంలో మనం ఎలా ఉన్నా, ఏం వేసుకున్నా, ఏం మాట్లాడినా... తప్పు పట్టడానికి జనాలు ఎప్పుడూ కాచుకునే ఉంటారు! పద్ధతిగా ఉంటే పాతకాలం అంటారు, కాస్త మోడరన్‌గా మారితే ముదురు అంటారు. ఈ జనాల నోటికి ఫిల్టర్ ఎలాగూ ఉండదు కదా!మన చుట్టూ ఉండే మనుషులు, వారి వింత ప్రవర్తనలు, నిత్య జీవితంలో మనకు ఎదురయ్యే కొన్ని వాస్తవ సంఘటనల సమాహారమే ఈ పుస్తకం. రీల్స్ పిచ్చిలో పడి టైమ్ వేస్ట్ చేసే కుర్రకారు, ఆఫీసుల్లో ఏళ్ల తరబడి ఉన్నా బేసిక్స్ తెలియని మొహాలు, వీధి చివర కూర్చుని క్లాసులు పీకే బామ్మలు... వీళ్లందరినీ మన కళ్లముందు ఉంచి, కాస్త నవ్విస్తూ, మనలోని లోపాలను మనకే చూపిస్తూ సాగే ఒక ఆసక్తికరమైన సామాజిక ప్రయాణమిది.

కార్పొరేట్ కబుర్ల నుండి కాంపస్ ముచ్చట్ల వరకు, ఉచిత పొగరు నుండి పెరిగిన ధరల వరకు... ప్రతి అంశాన్ని మనసుకు హత్తుకునేలా, కాస్త వ్యంగ్యంగా, మరికాస్త హాస్యంగా చర్చించిన తీరు మిమ్మల్ని ఖచ్చితంగా ఆకట్టుకుంటుంది.

ఇది కేవలం చదవడానికి మాత్రమే కాదు, చదివాక మనల్ని మనం పరీక్షించుకోవడానికి కూడా! ఎందుకంటే... వినయం అనేది ఖరీదైనది, పొగరు అనేది ఉచితంగా దొరికేది. మరి ఇంకెందుకు ఆలస్యం? ఒకసారి పేజీలు తిప్పేసి చూడండి... మీ ఇల్లాలో, మీ పక్కింటి అబ్బాయో ఇందులో కనపడటం ఖాయం!