ஏழாண்டுகளாகப் பதிவுலகில் இயங்கிவரும் முத்துசிவாவின் பலமே அவரது எழுத்து நடைதான், எவ்வளவு பெரிய சீரியசான விஷயங்களையும், மிக லாவகமாக, அதிரடி நகைச்சுவை உணர்வுடன் எழுத்தில் கூறிவிடுவது இவருக்கு கீபோர்டு வந்த கலை. எழுத்து வடிவத்திற்காகச் சிலவற்றை வித்தியாசப்படுத்திக் காட்டவேண்டும் என்றெல்லாம் தனக்குள் ஒரு மாயையை உருவாக்கி கொள்ளாமல், நடைமுறைப் பேச்சு வழக்கில், இந்தக் கால இளைஞர்களின் பல்ஸைச் சரியாக அறிந்து, படைப்புகளை வெளியிடும் இவருக்கென்று, ஒரு பெரும் இளம் ரசிகர் வட்டம் இருப்பதில் ஆச்சரியமில்லை.

எவ்வளவு டென்ஷனாக இருந்தாலும் இவரது சில படைப்புகளை கொஞ்ச நேரம் வாசித்தாலே சிறிது நேரத்தில் ரிலாக்ஸ் ஆகிவிடும் . இவரது நோக்கமே, வாசகர்களை சிரிக்க வைப்பது மட்டும் என்பதால், இந்தப் புத்தகம் நிச்சயம் உங்களை வயிறு குலுங்கச் சிரிக்கவைக்கும் என்பதில் சந்தேகமேயில்லை.

- விமல் தியாகராஜன்