डॉ. प्रसाद रानडे... ICT/UDCT, माटुंगा (मुंबई) येथून सेंद्रिय रसायनशास्त्र (Organic Chemistry) विषयात पीएच.डी. संपादन केलेले डॉ. प्रसाद रानडे हे संशोधन क्षेत्रात कार्यरत आहेत. आंतरराष्ट्रीय स्तरावरील शास्त्रीय शोधनिबंध आणि पेटंट्स, त्यांना लाभलेली विपूल उद्धरणे (Citations) त्यांच्या संशोधन कार्याची निदर्शक आहेत. विज्ञानाची पार्श्वभूमी असली तरी इतिहास, तत्त्वज्ञान, संस्कृती आणि अध्यात्म इत्यादी विविध विषयांप्रती असलेल्या जिज्ञासेपोटी त्यांनी पायी नर्मदा परिक्रमा केली. ‘चरैवेति’ या त्यांच्या पहिल्याच पुस्तकात त्यांनी या पाच महिन्यांच्या नर्मदा परिक्रमेतील अनुभव शब्दबद्ध केले आहेत.