মনীষ চৌহানে ২০২১ চনৰ পৰা য়োৰ্ক বিশ্ববিদ্যালয়ৰ পদাৰ্থ বিজ্ঞান বিভাগত চিকিৎসা অভিযান্ত্ৰিকতাৰ প্ৰৱক্তা হিচাপে কৰ্ম্মৰত হৈ আছে। গৱেষণাৰ ক্ষেত্ৰখনত তেও ছফ্ট ৰবটিক্স, বায়োফ’টনিক্স, বায়ো-ইমেজিং, নতুন ধৰণৰ সামগ্ৰী আদিৰ প্ৰতি বিশেষ ভাবে আগ্ৰহী। ইয়াৰ আগতে, তেওঁ লিডছ বিশ্ববিদ্যালয়ত এগৰাকী মাৰি কিউৰি গৱেষক ছাত্ৰ হিচাপে কাম কৰিছিল, য’ত তেওঁ যন্ত্ৰমানৱ অভিযন্ত্ৰনা আৰু প্ৰায়োগৰ ৰাষ্ট্ৰীয় কেন্দ্ৰত ২০১৭ পৰা ২০২১ চন পৰ্য্যন্ত সক্ৰিয়ভাৱে অংশগ্ৰহণ কৰিছিল। ড° মনীষ চৌহানে ইটালীৰ ইনস্টিটুট’ ইটালিয়ানো দি টেকন’লজিয়া-ৰ পৰা বায়োএঞ্জিনিয়াৰিং ৰবটিক্সত পিএইচডি সম্পূৰ্ণ কৰিছিল (২০১৪-১৭)। তেওঁ এজন IIT দিল্লীৰ প্ৰাক্তন ছাত্ৰ (২০০৮-১০), য’ৰ পৰা তেওঁ মেকানিকেল ইকুইপমেন্ট ডিজাইনত প্ৰযুক্তিৰ স্নাতকোত্তৰ ডিগ্ৰী লাভ কৰিছিল।
সুবীৰ কুমাৰ সাহা IIT দিল্লীৰ যান্ত্ৰিক অভিযান্ত্ৰিক বিভাগৰ এজন অধ্যাপক আৰু বৰ্তমান I-Hub Foundation for Cobotics (IHFC) নামৰ IIT দিল্লীৰ এক অলাভজনক সংস্থাৰ প্ৰকল্প পৰিচালক। উক্ত সংস্থাটিয়ে যি IIT দিল্লীৰ প্ৰযুক্তি উদ্ভাৱন কেন্দ্ৰ হিচাপে কাম কৰিছিল। তেওঁ ২০০২-২০১৫ চনলৈকে IIT দিল্লীৰ ৰবটিক্স ক্লাৱৰ উপদেষ্টা আছিল। তেওঁ ১৯৮৩ চনত এন আই টি দুৰ্গাপুৰৰ পৰা অভিযান্ত্ৰিক শাখাত স্নাতক, ১৯৮৫ চনত IIT খড়গপুৰৰ পৰা প্ৰযুক্তিবিদ্যাত স্নাতকোত্তৰ আৰু ১৯৯১ চনত মেকগিল বিশ্ববিদ্যালয়ৰ (কানাডা) পৰা পিএইচডি লাভ কৰিছিল। পিএইচডিৰ পিছত, অধ্যাপক সাহাই ১৯৯১-৯৫ চনলৈকে জাপানৰ ট’চিবা নিগমৰ গৱেষণা আৰু উন্নয়ন কেন্দ্ৰত সেৱা আগবঢ়াইছিল। তাৰ পাছত ১৯৯৬ চনৰ পৰা তেওঁ IIT দিল্লীত কৰ্ম্মৰত হৈ আছে। এজন শিক্ষক হিচাপে, অধ্যাপক সাহাই সদায় ছাত্র-ছাত্ৰীৰ কৈশোৰ মনক অধ্যয়নলৈ উৎসাহিত কৰিব বিছাৰে। সেইবাবে তেওঁ ছাত্রছাত্রীসমূহক ৰব’কন প্ৰতিযোগিতাত অংশ ল’বলৈ উৎসাহিত কৰে, যাৰ ফলত IIT দিল্লীত ৰবটিক্স ক্লাৱৰ গঠন আৰু এই কিতাপখনৰ অংকুৰণ হৈছিল । অধ্যাপক সাহাই মেকগ্ৰ’হিলৰ “ৰবটিক্সৰ পৰিচয়” নামৰ পাঠ্যপুথি আৰু স্প্ৰিংগাৰৰ সৈতে মাল্টিবডি চিষ্টেমৰ গতিবিদ্যা সম্পৰ্কীয় বহু কেইখন বিশেষ কিতাপ লিখিছে।