रुपाली डोंगरे ह्या विज्ञानाच्या पदवीधर असून सर्टीफाइड कौन्सिलर आहेत. त्या फिंगर प्रिंट अनालीस्ट, रेकी शिक्षिका तसेच मुझिक थेरपीस्ट तसेच आहेत. नवीन पिढीवर चांगले संस्कार करणे, मुलांचे व पालकांचे समुपदेशन करून नवीन पिढी सुसंस्कृत करणे, घडवणे ह्यासाठी त्या सतत प्रयत्नरत असतात. त्यांनी मराठी व हिंदी मध्ये अनेक कथा व कविता लिहिल्या आहेत. त्यांनी चिदम्बरस्वामी ह्यांच्या जीवन चरित्रावर आधारित चिदंबरचालीसा लिहिली आहे.
त्यांना स्वयंपाकाची व संगीताची आवड असून त्यांचे पाकशास्त्राचे, आरत्या व स्तोत्रांचे युटूब चॅनल सक्रिय आहे. त्या निसर्गप्रेमी असून वृक्षारोपण व संगोपनासाठी कार्यरत आहेत. एका सुविद्य मुलाची आई आहेत. त्यांच्या मुलाने इंजिनिरिंगचे शिक्षण पूर्ण केले असून एका आयटी कंपनीत कार्यरत आहे. आपल्या मुलावर योग्य संस्कार करण्यासाठी त्यांनी गोष्टी, कविता, म्हणी तसेच शब्दकोडे तयार केले. त्यापैकी काही गोष्टी ह्या पुस्तकात प्रकाशित केल्या आहेत.
त्यांचे पती देखिल इलेक्ट्रॉनिक्स इंजिनिअरिंग मध्ये पी.एच.डी. असून शासकीय तंत्रनिकेतन येथे विभागप्रमुख पदावर कार्यरत आहेत. त्या आपल्या पतीसोबत नागपूर येथे वास्तव्यास आहेत.