You can access the distribution details by navigating to My Print Books(POD) > Distribution

Add a Review

Sports Tourism - സ്പോർട്സ് ടൂറിസം

Sanil P Thomas Books
Sanil P Thomas
Type: Print Book
Genre: Sports & Adventure
Language: Malayalam
Price: ₹199 + shipping

Also Available As

Also Available As
Price: ₹199 + shipping
Due to enhanced Covid-19 safety measures, the current processing time is 8-10 business days.
Shipping Time Extra

Description

ഭൂപ്രകൃതിക്കു ചേരുന്ന സ്പോർട്സ് ടൂറിസം
ഒരിക്കൽ ചെന്നൈയിൽ നിന്നൊരു ടൂറിസം കൺസൾട്ടൻറ് കോട്ടയത്ത് എത്തി. കേരളത്തിലെ സ്പോർട്സിൻറെ ചരിത്രകാരൻ എന്ന നിലയിൽ എന്നെക്കാണാൻ ചെന്നൈയിലെ ചില സ്പോർട്സ് ലേഖകർ ഉപദേശിച്ചതനുസരിച്ചുവന്നതാണ്. അദ്ദേഹം അന്വേഷിച്ചത് കുമരകത്ത് ഗോൾഫ് കോഴ്സിനുള്ള സാധ്യതകളാണ്.
'കുമരകം ഒരു വിനോദ സഞ്ചാര കേന്ദ്രമാണെന്ന് അറിയാം. അവിടെ ഒരു ഗോൾഫ് കോഴ്സും അനുബന്ധ താമസ, ഭക്ഷണ സൗകര്യങ്ങളുമൊക്കെ ഒരുക്കിയാൽ വിദേശത്തുനിന്ന് ആളുകൾക്ക് അവിടെ വന്നു താമസിച്ചു ഗോൾഫ് കളിച്ച്, പ്രകൃതിയും ജലയാത്രയുമൊക്കെ ആസ്വദിച്ചു മടങ്ങാം.' അദ്ദേഹം വിശദീകരിച്ചു.
ജപ്പാനിൽ നിന്നൊക്കെ ഗോൾഫ് പ്രേമികളായ വിനോദ സഞ്ചാരികൾ ചാർട്ടേർഡ് വിമാനത്തിൽ വരും. ഹെലിക്കോപ്റ്റർ ഇറങ്ങാൻ സൗകര്യമുണ്ടെങ്കിൽ കൂടുതൽ നല്ലത്. അദ്ദേഹം വാചാലനായി. പക്ഷേ, ഒറ്റനോട്ടത്തിൽ അത്തരം സാധ്യതകൾ കുമരകത്ത് ഇല്ലായിരുന്നതിനാൽ അദ്ദേഹം മടങ്ങി.
സ്പോർട്സ് ടൂറിസത്തെക്കുറിച്ചു നമ്മൾ മലയാളികൾ ചിന്തിച്ചുതുടങ്ങും മുമ്പായിരുന്നു ഇത്. ഞാൻ ഈ സംഭവം, ഇന്ത്യൻ സ്പോർട്സിൽ വിപ്ലവം കൊണ്ടുവന്ന ഐ.എ.എസ്. ഉദ്യോഗസ്ഥൻ ബി.വി.പി.റാവുവിനോട് പറഞ്ഞു. പ്രകൃതിക്ക് ഇണങ്ങിയ സ്പോർട്സ് ടൂറിസം സാധ്യതകൾ തേടണമെന്നായിരുന്നു. റാവുവിൻറെ ഉപദേശം.
മാർഗരറ്റ് ആൽവ കേന്ദ്ര സ്പോർട്സ് മന്ത്രിയായിരുന്നപ്പോൾ സ്പോർട്സ് അതോരിറ്റി ഓഫ് ഇന്ത്യ (സായ്) യിൽ ഓഫിസർ ഓൺ സ്പെഷൽ ഡ്യൂട്ടിയായിരുന്നു അസം കെഡർ ഐ.എ.എസ്. ഉദ്യോഗസ്ഥനും ഹൈദരാബാദ് സ്വദേശിയുമായ റാവു. 'സായ്' പദ്ധതികളിൽ ഏറ്റവും ശ്രദ്ധിക്കപ്പെട്ട സ്പെഷൽ ഏരിയ ഗെയിംസിൻറെ ഉപജ്ഞാതാവ്.
ഓരോ നാടിനും ചില പ്രത്യേകതകൾ ഉണ്ട്. അവിടുത്തെ ആളുകൾക്ക് നൈസർഗികമായ ചില കഴിവുകളുമുണ്ട്. ഇതു കണ്ടെത്തി സ്പോർട്സ് വികസനം നടപ്പിലായാൽ ഇന്ത്യക്ക് ഒളിംപിക് മെഡൽ ലഭിക്കുമെന്ന് 1980കളുടെ മധ്യത്തിൽ റാവു നിർദ്ദേശിച്ചു. ആലപ്പുഴയിൽ ജലകായിക വിനോദങ്ങൾക്കും വയനാട്ടിൽ അമ്പെയ്ത്തിനും തലശേരിയിൽ ജിംനാസ്റ്റിക്സിനുമൊക്കെ 'സായ്' പരിശീലന കേന്ദ്രങ്ങൾ തുടങ്ങിയത് റാവുവിൻറെ നിർദ്ദേശത്തെത്തുടർന്നാണ്. ആർച്ചറിയിലും ബോക്സിങ്ങിലും ഗുസ്തിയിലും ജിംനാസ്റ്റിക്സിലൂമൊക്കെ ഇന്ത്യ ലോകനിലവാരത്തിലെത്തിയത് റാവു പദ്ധതികളുടെ തുടർച്ചയാണ് എന്ന് ഓർക്കണം.
ബഞ്ചീ ജംപിങ്ങിൽ പ്രാഗൽഭ്യം കാട്ടിയിരുന്ന മഹാരാഷ്ട കേഡർ ഐ.എ.എസ്. ഉദ്യോഗസ്ഥൻ, മലയാളിയായ എസ്. ശങ്കരമേനോനെയും ഓർക്കുന്നു. ബാങ്ക് വായ്പയെടുത്ത് ഒളിംപിക്സ് കാണാൻ പോകുന്ന സിദ്ധാർഥ മേനോനെ പരിചയപ്പെട്ടത് 1996ലെ അറ്റ്ലാൻറ ഒളിംപിക്സ് വേളയിലാണ്. അദ്ദേഹമാണു ബഞ്ചീ ജംപിങ് എനിക്കു പരിചയപ്പെടുത്തിയത്.
ബി.വി.പി. റാവു ശൈലിയിൽ കേരളത്തിൽ സ്പോർട്സ് ടൂറിസം വികസനം സാധ്യമാകും. കരയിലും വെള്ളത്തിലും ആകാശത്തും പരീക്ഷിക്കാവുന്ന സാഹസിക കായിക വിനോദങ്ങൾക്ക് ഇണങ്ങുന്ന സ്ഥലങ്ങൾ വേർതിരിച്ചെടുത്ത് അതനുസരിച്ച് സാധ്യതകൾ ആരായണം. അടിസ്ഥാന സൗകര്യ വികസനം നടപ്പിലാക്കണം. വ്യക്തമായ കർമ പദ്ധതിയോടെ ചുവടുവച്ചാൽ വലിയ മുന്നേറ്റം സാധ്യമാകും. സംശയംവേണ്ട. ബി.വി.പി.റാവു തന്നെ ഈ പുസ്തകത്തിന് അവതാരിക എഴുതിയത് വലിയ ഭാഗ്യമായികാണുന്നു. ഇന്ത്യൻ സ്പോർട്സിലെ അഴിമതിക്കും രാഷ്ട്രീയ ഇടപെടലുകൾക്കും സ്വജന പക്ഷപാതത്തിനുമെതിരെ എന്നും പൊരുതിയ, 'ക്ലീൻ സ്പോർട്സ് ഇന്ത്യ'യുടെ സ്ഥാപക കൺവീനർ ആയ റാവു എൻറെ അടുത്ത സുഹൃത്താണ് എന്ന് അഭിമാനപൂർവ്വം പറയട്ടെ.
കേരളത്തിൽ നിലവിൽ ഉള്ളതും ഇനിയും സാധ്യമാകുന്നതുമായ സ്പോർട്സ് ടൂറിസം അടിസ്ഥാനമാക്കി തയാറാക്കിയതാണ് ഈ ഗ്രസ്ഥം. പരീക്ഷിക്കാവുന്ന വിനോദങ്ങളും വിശദീകരിച്ചിട്ടുണ്ട്. അനുബന്ധമായി ഇന്ത്യയിലും വിദേശത്തും ഉള്ള സ്പോർട്സ് ടൂറിസം മേഖലകളെയും ഇന്ത്യയിലെ പരിശീലനകേന്ദ്രങ്ങളെയും പരിചയപ്പെടുത്തുന്നു. സ്പോർട്സ് ടൂറിസം വിജയിപ്പിച്ച, കേരളത്തിലെ ഏതെങ്കിലും കേന്ദ്രം വിട്ടുപോയിട്ടുണ്ടെങ്കിൽ ക്ഷമിക്കണം. മനപ്പൂർവമല്ല. കൂടുതൽ നിർദ്ദേശങ്ങൾ പ്രതീക്ഷിക്കുന്നു.
സ്നേഹാദരങ്ങളോടെ,
സനിൽ പി. തോമസ്

About the Author

സനിൽ പി.തോമസ്

പതിനേഴാം വയസ്സിൽ, 1976 ൽ മലയാള മനോരമയിൽ സ്പോർട്സ് ലേഖനങ്ങൾ എഴുതിത്തുടങ്ങി.ബാങ്ക് ജോലി ഉപേക്ഷിച്ച് പത്രപ്രവർത്തകനായി.1987 മുതൽ 2017 വരെ മനോരമ പത്രാധിപ സമിതി അംഗം .അസിസ്റ്റൻ്റ് എഡിറ്ററായി വിരമിച്ചു. ഇപ്പോൾ ഫ്രീലാൻസ് സ്പോർട്സ് ലേഖകൻ. 1991 ൽ ഹൈദരാബാദിൽ നടന്ന പ്രീ ഒളിംപിക് ഫുട്ബോൾ, ന്യൂഡൽഹി പെർമിറ്റ് മീറ്റുകൾ, ഏഷ്യൻ ജൂനിയർ അത് ലറ്റിക്സ്, 1994 ൽ ഹിരോഷിമയിലും 1998 ൽ ബാങ്കോക്കിലും 2018ൽ ജക്കാർത്തയിലും നടന്ന ഏഷ്യൻ ഗെയിംസ്, 1996 ൽ അറ്റ്ലാൻ്റയിൽ നടന്ന ഒളിംപിക്സ്, 2010 ൽ ന്യൂഡൽഹിയിൽ നടന്ന കോമൺവെൽത്ത് ഗെയിംസ്, 2013 ൽ പുനെയിലും 2017ൽ ഭുവനേശ്വരിലും 2019 ൽ ദോഹയിലും നടന്ന ഏഷ്യൻ അത്ലറ്റിക് ചാംപ്യൻഷിപ് തുടങ്ങി ഒട്ടേറെ രാജ്യാന്തര കായിക മേളകൾ റിപ്പോർട്ട് ചെയ്തു.2021 ലെ ടോക്കിയോ ഒളിംപിക്സിനും മീഡിയ അക്രഡിറ്റേഷൻ ലഭിച്ചുവെങ്കിലും കോവിഡ് നിയന്ത്രണങ്ങൾ തടസമായി.
കായിക കേരള ചരിത്രം ഉൾപ്പെടെ നാല്പതിലേറെ സ്പോർട്സ് ഗ്രന്ഥങ്ങൾ എഴുതി.കെ. കരുണാകരൻ, സോണിയ ഗാന്ധി, വൈക്കം വിശ്വൻ എന്നിവരുടെ ജീവചരിത്രവും ഓഷോ രജനീഷിൻ്റെ ജീവിതകഥയും ആണ് മറ്റു പ്രധാന കൃതികൾ.
സംസ്ഥാനത്തെ മികച്ച സ്പോർട്സ് ലേഖകനുള്ള കേരളാ സ്പോർട്സ് കൗൺസിൽ അവാർഡ് 1991, 93, 96 വർഷങ്ങളിൽ നേടി. സ്പോർട്സ് ജേണലിസത്തിലെ മികവിനുള്ള മുഷ്താഖ് അവാർഡും 1996 ൽ ലഭിച്ചു.2006 ൽ കോൺഫെഡറേഷൻ ഓഫ് നാഷനൽ ആൻഡ് ഇൻറർനാഷനൽ സ്പോർ ട്സ്മെൻ (സിൻസ) മികച്ച സ്പോർട്സ് ലേഖകനായി തിരഞ്ഞെടുത്തു.
ഗ്രന്ഥകാരനെന്ന നിലയിൽ, 2011 ൽ കായിക കേരള ചരിത്രത്തിന് കേരളാ ഒളിംപിക് അസോസിയേഷൻ അവാർഡും 2013ൽ അണയാത്ത ദീപശിഖയ്ക്ക് കേരളാ സ്പോർട്സ് കൗൺസിൽ അവാർഡും 2016ൽ നിങ്ങൾക്കുമാകാം സ്പോർട്സ് താരത്തിന് സംസ്ഥാന ബാലസാഹിത്യ ഇൻസ്റ്റിട്യൂട്ട് അവാർഡും ലഭിച്ചു.

ഭാര്യ: സുജ.
മക്കൾ: നീത്, നിർമൽ.

Book Details

ISBN: 9781716316913
Publisher: Karoor International Publications
Number of Pages: 103
Dimensions: 5.83"x8.27"
Interior Pages: B&W
Binding: Paperback (Perfect Binding)
Availability: In Stock (Print on Demand)

Ratings & Reviews

Sports Tourism - സ്പോർട്സ് ടൂറിസം

Sports Tourism - സ്പോർട്സ് ടൂറിസം

(Not Available)

Review This Book

Write your thoughts about this book.

Currently there are no reviews available for this book.

Be the first one to write a review for the book Sports Tourism - സ്പോർട്സ് ടൂറിസം.

Other Books in Sports & Adventure

Shop with confidence

Safe and secured checkout, payments powered by Razorpay. Pay with Credit/Debit Cards, Net Banking, Wallets, UPI or via bank account transfer and Cheque/DD. Payment Option FAQs.