आजच्या धावपळीच्या आणि कृत्रिम आयुष्यात, आपण सगळेच एका यंत्रासारखे जगत आहोत. पण या 'स्पीड लाईफ'मध्ये जर अचानक तब्बल ३५ वर्षांपूर्वीचे शाळकरी मित्र भेटले, तर?

'आठवणींचा वाफाळता चहा' हे पुस्तक म्हणजे केवळ कर्जतच्या एका पिकनिकचा वृत्तांत नाही, तर तो आपल्याच हरवलेल्या बालपणाचा एक अत्यंत सुंदर आणि भावनिक शोध आहे. कुर्ला येथील 'शिशु विकास विद्यालया'तील मित्र-मैत्रिणी तब्बल ३५ वर्षांनंतर एकत्र जमतात. सर्वांची वये वाढलेली, पाठीवर जबाबदाऱ्यांचं ओझं, पण एकमेकांना पाहताच हे सगळे पन्नाशीतले जीव पुन्हा एकदा शाळेतल्या बाकावर जाऊन बसतात.

या प्रवासात जुन्या आठवणींचे खट्याळ किस्से आहेत, हास्याचे स्फोट आहेत, आणि डोळ्यांच्या कडा ओलावणारे प्रसंगही आहेत. ज्या शिक्षकांचा कधीकाळी धाक वाटायचा, त्या सोमार्डे सर आणि मॅडम यांच्यासोबत रंगलेली ही एक अविस्मरणीय मैफल आहे. निर्मळ आनंदाचा हा 'वाफाळता चहा' लेखक संतोष दत्ताराम जाधव यांनी अत्यंत ओघवत्या आणि संवादी भाषेत मांडला आहे. हे पुस्तक वाचताना वाचक स्वतःच्याच भूतकाळात रेंगाळेल आणि जुन्या मित्रांच्या आठवणीने नकळत पुटपुटेल... "बालपणाचा काळ सुखाचा!"

प्रत्येकाने आपल्या धावपळीच्या आयुष्यातून थोडा वेळ काढून नक्की अनुभवावा असा हा आठवणींचा गोडवा!