സെബി തടിയമ്പാട്
ഇടുക്കി ജില്ലയുടെ ഗ്രാമപ്രദേശമായ തടിയംപാട് 1967 നവംബർ 13-നു ജനിച്ചു പ്രാഥമിക വിദ്യാഭ്യാസം വാഴത്തോപ്പ് സർക്കാർ സ്കൂളിൽ.
പ്രീഡിഗ്രി, ഡിഗ്രി എന്നിവ പാരലൽ കോളേജിലും, ബാക്കി തനിയെയും പഠിച്ചു. പിന്നീട് കൃഷിയിൽ സജീവമായി. ലൈബ്രറി സയൻസിൽ ബിരുദവും, ബിരുദാനന്തര ബിരുദവും കാലിക്കറ്റ് യൂണിവേഴ്സിറ്റിയിൽ നിന്നും നേടി. മഹാത്‌മാഗാന്ധി യൂണിവേഴ്സിസിറ്റിയിൽ ലൈബ്രറി വിഭാഗത്തിൽ ജോലിചെയ്തു. 2023-ൽ സർവീസിൽ നിന്നും വിരമിച്ചു. കൗൺസിലിംഗ് സൈക്കോളജിയിൽ പോസ്റ്റ് ഗ്രാഡുവേറ്റ് ഡിപ്ലോമ നേടിയിട്ടുണ്ട്. ഇപ്പോൾ കൗൺസിലർ ആയി വർക്ക് ചെയ്യുന്നു.
ഭാര്യ ഷൈനി കോട്ടയം മെഡിക്കൽ കോളേജിൽ ബയോ-കെമിസ്ട്രി വിഭാഗത്തിൽ ട്യൂട്ടർ ആണ്. മകൾ ഡോ. ലോണ അമേരിക്കയിൽ വൈദ്യശാസ്ത്രത്തിൽ ബിരുദാനന്തര ബിരുദ വിദ്യാർത്ഥിനിയാണ്. മകൻ ഡെനി മണിപ്പാൽ യൂണിവേഴ്സിറ്റിയിൽ വിദ്യാർത്ഥിയാണ്.