थोडे माझ्याविषयी...
अगदी सुरुवातीपासून मराठी भाषेचे कुतूहल मला होते.दिसेल ते वाचणे,सुचेल ते लिहिणे हा माझा मूलमंत्र होता. त्यामुळे बरीच धार्मिक पुस्तके,मासिके,ग्रंथ, कथा-कादंबऱ्या, तसेच मराठी हिंदीची घरी असणारी पाठ्यपुस्तके सुद्धा मी अगदी आवडीने वाचत असे. यातूनच लिखाणाची ऊर्मी मनात दाटून आली,आणि प्रासंगिक पद्य गद्यांनी माझी डायरी अगदी भरुन जात असे.पण काही असे लोक जी आपली खिल्ली उडवत असतात त्यांच्या हाती डायरी पडली व या प्रसंगात मी अंतर्मुख होऊन माझं लिखाण थांबवलं. तरीही निबंधस्पर्धा, काव्य स्पर्धा यांमध्ये मी भाग घेत गेले आणि तेथेही पहिल्या तीन मध्येच आले.आत्तापर्यंत मी जिल्हास्तर व राज्यस्तर पातळी पर्यंत यशस्वीरीत्या लेखन केले आहे.हलकेफुलके विषय,सामाजिक प्रश्न, मनोरंजनाबरोबरच ज्ञानाची जोड या वैशिष्ट्यपूर्ण लेखनामुळे स्पर्धांमधून ही मला चांगले यश मिळत गेले व माझा सुप्तावस्थेत असणारा आत्मविश्वास वाढू लागला. दिवसभरातील कामकाजाचा आढावा आपण दैनंदिनी मध्ये लिहितो, पण मी त्यातील भावलेले, स्पर्शून गेलेले क्षण शब्दांमध्ये सविस्तरपणे कैद करू लागले. सकारात्मक विचारसरणी, हवे तिथे मार्गदर्शन, उपयुक्त सुचना या पाठबळावर मी आज माझ्या पहिल्या पुस्तक लेखनाचा श्रीगणेशा करू शकले तसेच पुस्तक देखील पूर्णत्वास नेऊ शकले याबद्दल मी तशी आभारी आहे.