തസ്നി മിസ്രിയ
മലപ്പുറം ജില്ലയിലെ മഞ്ചേരിക്കടുത്ത് നെല്ലിക്കുത്ത് എന്ന പ്രദേശത്ത് 1998ലാണ് ജനനം. പിതാവ് മുസ്തഫ, മാതാവ് ഹവ്വാഉമ്മ. ഭർത്താവ് മുഹമ്മദ് സലഫി കെ. മകൾ ഇനായ ഫാത്തിമ.
നെല്ലിക്കുത്ത് ജി എം എൽ പി സ്കൂൾ, ജി വി എച് എസ് എസ്, നെല്ലിക്കുത്ത് വി എച് എസ് ഇ എന്നിവിടങ്ങളിൽ പ്രാഥമിക പഠനം പൂർത്തിയാക്കി. ഡിഗ്രി പഠനത്തോടൊപ്പം പ്രീ സ്കൂൾ ടീച്ചർ ആയിട്ടും രണ്ടുവർഷം ജോലി ചെയ്തിട്ടുണ്ട്.
ബി കോം ബിരുദധാരി ആണ്. ഡാറ്റാ എൻട്രി ആൻഡ് ഓഫീസ് ഓട്ടോമേഷൻ, ഗ്രാഫിക് ഡിസൈനിങ് തുടങ്ങിയ കോഴ്സുകളും ചെയ്തിട്ടുണ്ട്.
ADN TALKS Life Transformational Institute ൽ നിന്നും ഗ്ലോബൽ സർട്ടിഫൈഡ് മൈൻഡ് പവർ ട്രെയിനിങ് കോഴ്സ് കഴിഞ്ഞ് നിലവിൽ മൈൻഡ് പവർ ട്രെയിനർ, സ്‌ട്രെസ് ഹാക്കർ, ടീനേജ് കോച്ച് ആയിട്ട് വർക്ക് ചെയ്യുന്നു. ഓൺലൈൻ മൈൻഡ് പവർ ഇൻസ്റ്റിറ്റ്യൂട്ട് Mizry Talks ന്റെ സ്ഥാപകയാണ്.
കൗമാരക്കാരായ കുട്ടികളുടെ പുരോഗതിയും പ്രൊഡക്ടിവിറ്റിയും ലക്ഷ്യമാക്കി അവർക്കായി നിരവധി പ്രോഗ്രാമുകളും മാസങ്ങളോളം നീണ്ടുനിൽക്കുന്ന പരിശീലനങ്ങളും Teenage Empowerment ട്രെയിനിങ്ങുകളും നടത്തുന്നുണ്ട്.