ପିତା ଶ୍ରୀଯୁକ୍ତ ଶରତ କୁମାର ସ୍ୱାଇଁ ଓ ମାତା ଶ୍ରୀମତୀ ମମତା ସ୍ବାଇଁ ଔରସରୁ ଲେଖକ ତୁଷାର କୁମାର ସ୍ୱାଇଙ୍କ ଜନ୍ମ ୧୦ ଫେବୃଆରୀ ୨୦୦୧ ମସିହାରେ ରାଉରକେଲା ଷ୍ଟିଲ୍ ସିଟିରେ ହୋଇଥିଲା । ସେ ୨୦୧୭ ମସିହାରେ ସରସ୍ୱତୀ ଶିଶୁ ବିଦ୍ୟାମନ୍ଦିର, ସେକ୍ଟର–୬, ରାଉରକେଲାରୁ
ମାଟ୍ରିକ୍ ଶିକ୍ଷା ସମାପ୍ତ କରିବା ପରେ ଇସ୍ପାତ ବିଦ୍ୟାମନ୍ଦିର କଲେଜରେ
ଯୁକ୍ତ ଦୁଇ ବିଜ୍ଞାନ ଶାଖାରେ ଅଧ୍ୟୟନ କରିଥିଲେ ।
ପରବର୍ତ୍ତୀ ସମୟରେ ସେ ଡିପ୍ଲୋମା ଇନ୍ ମେଟାଲୋଜି ଶାଖାରେ ପାଠ୍ୟକ୍ରମ ସମାପ୍ତ କରିଥିଲେ ଉତ୍କଳମଣି ଗୋପବନ୍ଧୁ ଇନ୍ସ୍ଟିଟ୍ୟୁଟ୍ରୁ ରୁ । ପରବର୍ତ୍ତୀ ସମୟରେ ସେ ୨୦୨୬ ମସିହାରେ ମେଟାଲୋଜି ଶାଖାରେ ବି.ଟେକ୍ ଶିକ୍ଷା ସମାପ୍ତ କରିଥିଲେ । ଏତଦ୍ବ୍ୟତୀତ ସେ ଏକ ପ୍ରାଇଭେଟ୍ କମ୍ପାନୀରେ କାର୍ଯ୍ୟରତ ଥାଇ ସୁଦ୍ଧା ଚାକିରି ଜୀବନର ବ୍ୟସ୍ତତା ମଧ୍ୟରେ ସାହିତ୍ୟ ସାଧନା ପ୍ରତି ନିଜର ଅଗାଧ ଆଗ୍ରହକୁ ଅବିକଳ ରଖିଛନ୍ତି । ଶୈଶବ କାଳରୁ ହିଁ ଲେଖାଲେଖି ପ୍ରତି
ତାଙ୍କର ବିଶେଷ ଆକର୍ଷଣ ରହିଥିଲା । ଏପର୍ଯ୍ୟନ୍ତ ସେ ଅନେକ କ୍ଷୁଦ୍ରଗଳ୍ପ,
କବିତା ଓ ଭାବପ୍ରବଣ ରଚନା ସୃଷ୍ଟି କରିସାରିଛନ୍ତି । କିନ୍ତୁ ଆର୍ଥିକ ପ୍ରତିବନ୍ଧକତା ଓ ନିମ୍ନ ମଧ୍ୟବିତ୍ତ ପରିବାରରୁ ଆସିଥିବା କାରଣରୁ
ତାଙ୍କର ଅଧିକାଂଶ ଲେଖା ଆଜିପର୍ଯ୍ୟନ୍ତ ପ୍ରକାଶ ପାଇପାରିନାହିଁ । ଅନେକ ଚେଷ୍ଟା ସତ୍ତ୍ୱେ ମଧ୍ୟ ସେ କେବେ ପ୍ରକାଶନର ସୁଯୋଗ ପାଇନଥିଲେ । ତଥାପି ସାହିତ୍ୟ ପ୍ରତି ତାଙ୍କର
ଅକ୍ଷୟ ଭଲପାଇବା ଓ ଆତ୍ମବିଶ୍ୱାସ ତାଙ୍କୁ ନିରନ୍ତର ଲେଖିବାକୁ ପ୍ରେରଣା
ଦେଇଆସିଛି । ଏହି ଗଳ୍ପଟି ହେଉଛି ଲେଖକଙ୍କ ପ୍ରଥମ ଅଫିସିଆଲ୍ ଭାବେ ପ୍ରକାଶିତ ରଚନା ।
ଲେଖକଙ୍କ ଅଧିକାଂଶ ଗଳ୍ପ ଓ କବିତାରେ ଏପରି ଭାବରେ ଚରିତ୍ର ଓ ପରିସ୍ଥିତିର ବର୍ଣ୍ଣନା କରାଯାଇଥାଏ ଯେ, ତାହା ପାଠକଙ୍କୁ ଏକ ସତ୍ୟ ଘଟଣାର ଅନୁଭୂତି ପ୍ରଦାନ କରେ । ତାଙ୍କର ରଚନାଗୁଡ଼ିକରେ ମାନବିକ
ମୂଲ୍ୟବୋଧ, ଦୁଃଖ, ନିରାଶା, ଜୀବନର ଅକୁହା ବେଦନା ଓ ସଂଘର୍ଷମୟ
ପରିସ୍ଥିତିର ନିଖୁତ ଚିତ୍ରଣ ଦେଖିବାକୁ ମିଳେ । ସାଧାରଣ ମଣିଷର ଜୀବନରେ ଘଟୁଥିବା ଅନେକ ଅକଥିତ କାହାଣୀକୁ ସେ ନିଜ ଲେଖନୀରେ ସଜୀବ ଭାବରେ ଫୁଟାଇବାରେ ସକ୍ଷମ ହୋଇଛନ୍ତି । ଆଶା ଓ ବିଶ୍ୱାସ ଯେ, ପାଠକମାନେ ତାଙ୍କର ଗଳ୍ପଗୁଡ଼ିକ ମାଧ୍ୟମରେ ଏକ ନୂତନ ଅନୁଭୂତି ଓ ଭିନ୍ନ ସ୍ୱାଦର ସାହିତ୍ୟ ଅନୁଭବ କରିପାରିବେ ।
ଧନ୍ୟବାଦ