ഇംഗ്ളീഷിലും മാസ്സ് കമ്മ്യൂണിക്കേഷനിലും എം.എ. ബിരുദങ്ങൾ നേടിയിട്ടുണ്ട്. എട്ടു മാസികകളുടെ പത്രാധിപരോ സഹ-പത്രാധിപരോ ആയി പ്രവർത്തിച്ചിട്ടുണ്ട്. സേജ് പബ്ലിക്കേഷൻസ്, NCAER, നിയോഗി ബുക്ക്സ്, എന്നീ സ്ഥാപനങ്ങളിൽ എഡിറ്റർ ആയി ജോലി ചെയ്തിട്ടുണ്ട്. കൂടാതെ സ്വതന്ത്രമായി ഇരുപതിലേറെ ഗ്രന്ഥങ്ങളും അനേകം ഗവേഷണ പ്രബന്ധങ്ങളും എഡിറ്റ് ചെയ്തിട്ടുണ്ട്. മുന്നൂറിൽ കൂടുതൽ ഗ്രന്ഥങ്ങൾക്ക് സൂചിക (index) തയ്യാറാക്കിയിട്ടുണ്ട്. ഓം പ്രകാശ് കേജരിവാൾ എഴുതിയ “ഐഡ സ്‌കഡ്ഡർ” എന്ന ജീവചരിത്രഗ്രന്ഥം ഇംഗ്ളീഷിൽ നിന്നു മലയാളത്തിലേക്കു പരിഭാഷപ്പെടുത്തി. 1981-ൽ ഇത് കുങ്കുമം വാരികയിൽ ഖണ്ഡശ്ശ പ്രസിദ്ധീകരിച്ചു. കൂടാതെ ഭാരത സർക്കാരിൻറെ പ്രസിദ്ധീകരണ വിഭാഗത്തിനു വേണ്ടി ആറു ഗ്രന്ഥങ്ങളും ഒരു ലഘുലേഖയും ഇംഗ്ളീഷിൽ നിന്നു മലയാളത്തിലേക്കു പരിഭാഷപ്പെടുത്തിയിട്ടുണ്ട്. ഇംഗ്ളീഷിലും മലയാളത്തിലും കഥകളും കവിതകളും ലേഖനങ്ങളും എഴുതാറുണ്ട്. ഇപ്പോൾ ഊർജ്ജ, വിഭവശേഷി സ്ഥാപന പൂർവ്വ ജീവനക്കാരുടെ സംഘടനയുടെ (TERI Alumni Associatin) എഡിറ്റോറിയൽ ബോർഡിൽ അംഗമാണ്.