मन्दोदरी- एक निःशब्द कहाणी.

आत्ता चार दिवसापूर्वीच ही कादंबरी हातात आली आणि वाचायला सुरुवात केली. लेखिका अनिता गुप्ते ह्यांची ही दुसरी कादंबरी...मन्दोदरी ची एक वेगळीच ओळख आपल्याला ह्या कादंबरीतून होते. रावणाची पत्नी एवढीच ओळख नसून ती एक हुशार वास्तुविशारद,अतिशय सुंदर,पतिव्रता आणि राजकारभारात दक्ष अशी कर्तृत्ववान स्त्री होती. तिची ही नवीन ओळख होते ह्या कादंबरीतून. तसंच रावण, कुंभकर्ण, विभीषण ,रावणाची आई कैकसी ,रावणाची बहीण मीनाक्षी ह्या सगळ्यां बाबत इत्थंभूत माहिती आपल्याला इकडे मिळते. ह्या कादंबरीतील प्रत्येक पात्र लेखिकेनी पूर्ण न्याय केला आहे.
लेखिकेनी अगदी साध्या भाषेत इतकं रोचक वर्णन केलंय कि पुस्तक खाली ठेवायची इच्छाच होत नाही. तिची कथानकावर ची पकड़ शेवट पर्यंत कसलेली आहे आणि म्हणूनच आपण ह्या कादंबरीत अक्षरशः आकण्ठ बुडून जातो.